• Ballina > Komunikatat për shtyp

Arkivi i lajmeve

2009

• janar

Komunikatat për shtyp

Prishtinë, Kosovë, 2 Prill 2008 - Komisioni Kushtetues miraton tekstin e Projekt-Kushtetutës së Republikës së Kosovës

Komisioni Kushtetues i Republikës së Kosovës e miratoi dje me konsensus të plotë tekstin përfunditar të Projekt-Kushtetutës.

Komisioni Kushtetues me përkushtim të madh, pas një debati të frytshëm publik, ka mbledhur, analizuar dhe i ka shqyrtuar të gjitha komentet, vërejtjet dhe propozimet e bëra nga qytetarët, ekspertët dhe veprimtarët e shumtë në tubimet me qytetarë dhe diskutimet në tryeza të rrumbullakëta me grupe të interesit, të organizuara në gjithë Kosovën. Me kujdes të veçantë janë shqyrtuar edhe komentet e dorëzuara Komisionit përmes faqes së internetit, përmes letrave dërguar Sekretariatit të Komisionit, si dhe përmes mediave. Teksti përfundimtar i Projekt – Kushtetutës i reflekton të gjitha komentet, vërejtjet dhe propozimet e qytetarëve të cilat Komisioni Kushtetues i ka vlerësuar të jenë në në pajtim me Deklaratën e Pavarësisë dhe në harmoni me obligimet ndërkombëtare të Republikës së Kosovës.

Projekt-Kushtetuta e Republikës së Kosovës pritet të çertifikohet shpejt nga nga Përfaqësuesi Civil Ndërkombëtar.

Teksti përfundimtarë i Projekt-Kushtetutës së Republikës së Kosovës do të publikohet në faqen e internetit të Komisionit Kushtetues para miratimit të saj nga Kuvendi i Kosovës.

Për informata shtesë në lidhje me kushtetutën, procesin për hartimin e kushtetutës dhe ngjarjet publike, ju lutem të vizitoni: 

www.kushtetutakosoves.info , www.ustavkosova.info , www.kosovoconstitution.info.

Për Komisionin Kushtetues:

Komisioni Kushtetues i Kosovës është themeluar nga Presidenti i Kosovës në përputhshmëri me rekomandimet e Emisarit Special të Kombeve të Bashkuara, Ahtisaarit, në Raportin  për statusin e ardhshëm të Kosovës, të dorëzuar Sekretarit të Përgjithshëm të Kombeve të Bashkuara.  Komisioni e reflekton diversitetin e Kosovës dhe është përgjegjës për hartimin e Kushtetutës që përfaqëson interesat e të gjithë qytetarëve të Kosovës.

Informatat për kontakt:

Sekretariati i Komisionit Kushtetues

Qeveria e Kosovës, Ndërtesa e re, kati i 8-të, zyra nr. 803

Sheshi Skënderbeu

10000 Prishtinë, Kosovë

Tel: +381 38 20014 208